ആ റിയാലിറ്റി ഷോയില്‍ സത്യത്തില്‍ നിങ്ങള്‍ക്കായിരുന്നു ഒന്നാം സ്ഥാനം കിട്ടേണ്ടിയിരുന്നത്. പക്ഷെ നിങ്ങള്‍ രണ്ടാം സ്ഥാനത്തേയ്ക്ക് വന്നപ്പോ ഏറെ സന്തോഷിച്ചത് ഞാനായിരുന്നു, ആ പറച്ചില്‍ കേട്ട് ഞാന്‍ വല്ലാതെ ആയി; അനീഷ് രവി
നിരവധി ആരാധകരുള്ള താരമാണ് അനീഷ്. നടന്‍ അവതാരകന്‍ എന്നീ നിലകളിലെലാം അനീഷ് ശ്രദ്ധ നേടിയിട്ടുണ്ട്. ഇപ്പോഴിതാ അനീഷ് പങ്കിട്ട ഒരു കുറിപ്പ് ശ്രദ്ധ നേടുകയാണ്. കുറിപ്പിങ്ങനെ…..
കഴിഞ്ഞ ദിവസം ആറ്റിങ്ങലിനു പുതിയ മുഖം സമ്മാനിച്ചുകൊണ്ട് തല എടുപ്പോടെ സ്വയംവര സില്‍ക്‌സിന്റെ നവീകരിച്ച ഷോറൂമിന്റെ ഉത്ഘാടനത്തിനായി മലയാളത്തിന്റെ പ്രിയ താരം ആസിഫ് അലി എത്തുമ്പോ നഗരം ജനത്തിരക്ക് കൊണ്ട് മഹാസാഗരമായി മാറുകയായിരുന്നു ..പൊരി വെയിലത്ത് ..തന്നെ കാണാന്‍ തടിച്ചു കൂടിയ പ്രിയപ്പെട്ടവരെ അല്പം പോലും നിരാശരാക്കാതെ അവര്‍ക്കൊപ്പം നൃത്തം ചെയ്തും ഫോട്ടോ എടുത്തും കുശലം പറഞ്ഞും ആസിഫ് അലി എന്ന വിനയമുള്ള കലാകാരന്‍ വീണ്ടും ആറ്റിങ്ങല്‍ കാരനായി മാറുകയായിരുന്നു …!പ്രിയപ്പെട്ട നാട്ടുകാരുടെ ആവേശത്തിന് ഊര്‍ജം പകരാന്‍ ഞാനുമുണ്ടായിരുന്നു ഏറെ അഭിമാനത്തോടെ …നാട്ടില്‍ നടക്കുന്ന ഈ ചടങ്ങില്‍ .
തന്റെ നാട്ടുകാരനായ കലാകാരന്‍ ഉറപ്പായും ഉണ്ടാകണമെന്ന് സ്വയംവരയുടെ ഉടമ ശങ്കരന്‍ കുട്ടി ചേട്ടന്‍ വാശി പിടിച്ചു എന്ന് റെഡ് എഫ് എം കേരള ഹെഡ് പ്രിയപ്പെട്ട പ്രദീപ് പറയുമ്പോള്‍ വല്ലാത്ത സന്തോഷം തോന്നി …എന്റെ നാടിനെ ഓര്‍ത്ത് നാട്ടു കാരെ ഓര്‍ത്ത് അഭിമാനവും സന്തോഷവും തോന്നിയ നിമിഷങ്ങള്‍….അളിയന്‍സ് ഷൂട്ട് നടക്കുകയായിരുന്നു അവിടന്ന് രാജേ ഷിന്റെ ( തലച്ചിറ )അനുവാദം വാങ്ങി രാവിലെ ആറ്റിങ്ങലേയ്ക്ക് തിരിച്ചു. ഷോ നയിക്കാനായി വേദിയില്‍ ഞാനും മിടുക്കിയായ ആര്‍ ജെ അഞ്ജലിയും നാടിനെ കുറിച്ചും നാട്ടുകാരുടെ സ്‌നേഹത്തെ കുറിച്ചുമൊക്കെ ഞങ്ങള്‍ പ്രിയ പ്രേക്ഷകരോട് സംവദിയ്ക്കു മ്പോ. ഒരു കാര്യം കൂടി ഉറക്കെ പറയണമെന്ന് എനിയ്ക്ക് തോന്നി.
അത് മറ്റൊന്നുമായിരുന്നില്ല. കുറച്ചു നാളുകള്‍ക്ക് മുന്നേയാണ്. Red Fm ന്റെ മറ്റൊരു പ്രോഗ്രാമിന് എറണാകുളം ഹയാത്തില്‍ ഞാനും ഷംനാദും കൂടി പോയത്. ഒരുപാടു നാളുകള്‍ക്ക് ശേഷം ശങ്കരന്‍ കുട്ടി ചേട്ടനെ അന്ന് അവിടെ വച്ചാണ് ഞാന്‍ കാണുന്നത്. അല്പ നേരത്ത കുശലാന്വേഷണങ്ങള്‍ക്കിടയില്‍. ശങ്കരന്‍ കുട്ടി ചേട്ടന്‍ കൂട്ടി ചേര്‍ത്തു …മുന്‍പ് ഏഷ്യാനെറ്റ് നടത്തിയ സുന്ദരി നീയും സുന്ദരന്‍ ഞാനും എന്ന റിയാലിറ്റി ഷോയില്‍ സത്യത്തില്‍ നിങ്ങള്‍ക്കായിരിന്നു ഒന്നാം സ്ഥാനം കിട്ടേണ്ടിയിരുന്നത് പക്ഷെ നിങ്ങള്‍ രണ്ടാം സ്ഥാനത്തേയ്ക്ക് വന്നപ്പോ ഏറെ സന്തോഷിച്ചത് ഞാനായിരുന്നു …
ഒരു നിമിഷം ഞാന്‍ വല്ലാതെ ആയി …അപ്പോഴേയ്ക്കും അദ്ദേഹം കാരണം പറഞ്ഞു തുടങ്ങിയിരുന്നു. എന്റെ സ്ഥാപനത്തിന്റെ പേരിലുള്ള സമ്മാനം എന്റെ നാട്ടുകാരന് കിട്ടിയിരുന്നെങ്കില്‍ എന്ന് ഞാന്‍ ആഗ്രഹിച്ചിരുന്നു എന്ന് …(രണ്ടാം സ്ഥാനം സ്‌പോണ്‍ സര്‍ ചെയ്തിരുന്നത് സ്വയംവര ആയിരിന്നു. അന്ന് ഫല പ്രഖ്യാപനം നടത്തിയപ്പോ തോന്നിയ സങ്കടം പച്ചയായ ഈ മനുഷ്യന്റെ സ്‌നേഹം നിറഞ്ഞ വാക്കുകള്‍കേട്ടപ്പോ അലിഞ്ഞില്ലാതെ ആയി..സ്‌നേഹം അങ്ങിനെയാ അനുവാദമില്ലാതെ കടന്നു വരും …അന്ന് അവിടെ നടന്നത് ഉത്ഘാടന ചടങ്ങ് മാത്രമായിരുന്നില്ല .
.ഹരിത കര്‍മ്മ സേനയിലെ സഹോദരങ്ങള്‍ക്ക് സമ്മാനങ്ങള്‍. വിദ്യാഭ്യാസ സ്ഥാപനങ്ങള്‍ക്കുള്ള കമ്പ്യൂട്ടര്‍. തുടങ്ങി എല്ലാ മേഖല യിലും ഉള്ള തന്റെ നാട്ടുകാരെ ചേര്‍ത്ത് പിടിയ്ക്കാനുള്ള അദ്ദേഹത്തിന്റെ സന്മനസ്സുകൊണ്ടാവും കേരളത്തില്‍ അങ്ങോളം എട്ട് ഷോ റൂമുകളിലായി സ്വയംവര ജനമനസുകളില്‍ സ്ഥാനം നേടിയത്. നമ്മള്‍ ചെയ്യുന്ന നന്മ നമ്മെ തേടിവരും നന്മകള്‍ ചെയ്യാനും ഒപ്പമുള്ളവരെ ചേര്‍ത്ത് പിടിയ്ക്കാനുമൊക്കെ ഉള്ള ശങ്കരന്‍ കുട്ടി ചേട്ടന്റെ നല്ല മനസ്സിനെ പ്രശംസിയ്ക്കാതെ കടന്നു പോകുന്ന തെങ്ങിനെയാണ്. അങ്ങേയ്ക്ക് എല്ലാ വിധ പ്രാത്ഥനകളോടും കൂടി ആശംസകള്‍ നേരുന്നു