തെന്നിന്ത്യയിലെ സൂപ്പര്‍ താരം. കരിയറിന്‍രെ പീക്കില്‍ നില്‍ക്കുമ്പോള്‍ നടനുമായി വിവാഹം, പിന്നീട് മകനായി സിനിമയില്‍ നിന്ന് മാറി, മകന്‍ വലിയ താരമാകാത്തതില്‍ നിരാശ, ഒടുവില്‍ പതിനെട്ട് വര്‍ഷങ്ങള്‍ക്ക് ശേഷം വീണ്ടും സിനിമയിലേയ്ക്ക് ; നടി ഷീലയുടെ അധികമാര്‍ക്കും അറിയാത്ത ജീവിതത്തെ പറ്റി ചെയ്യാര്‍ ബാലു
മലയാളികള്‍ ഒരിക്കലും മറക്കാത്ത, മലയാള സിനിമയുടെ ചരിത്രത്തില്‍ തന്നെ അടയാളപ്പെടുത്തപ്പെട്ട എന്നും ഏറെ സ്‌നേഹത്തോടെ ആരാധിക്കുന്ന നടിയാണ് ഷീല. ചെമ്മീന്‍, കള്ളി ചെല്ലമ്മ, വെളുത്ത കത്രീന,ഒരു പെണ്ണിന്റെ കഥ തുടങ്ങി നാനൂറിലധികം ചിത്രങ്ങള്‍ താരം ചെയ്തിട്ടുണ്ട്. മലയാളത്തിലും തമിഴിലും ഒരു പോലെ തിളങ്ങി നിന്ന താരമാണ് ഷീല. കേരള സ്‌റ്റേറ്റ് അവാര്‍ഡ് ഉള്‍പ്പടെ നിരവധി അവാര്‍ഡുകളും താരത്തിന് ലഭിച്ചിട്ടുണ്ട്. തെന്നിന്ത്യയില്‍ തിളങ്ങി നിന്ന താരം പിന്നീട് പതിനെട്ട് വര്‍ഷത്തോളും സിനിമയില്‍ നിന്ന് ഇടവേള എടുത്തു.
പിന്നീട് അകലെ എന്ന സിനിമയിലൂടെയാണ് താരം തിരിച്ചു വന്നത്. ഇപ്പോഴിതാ തമിഴ് ജേര്‍ണലിസ്റ്റ് ചെയ്യാര്‍ ബാലു ആഗായം എന്ന തമിഴ് ചാനലിനോട് ഷീലയുടെ വ്യക്തി ജീവിതത്തെ പറ്റിയും ഏക മകനെ പറ്റിയും പറയുകയാണ്. ഷീലയുടെ വ്യക്തി ജീവിതം അവര്‍ തുറന്ന് പറഞ്ഞിട്ടില്ല. ഷീലയുടെ മകനും ചില സിനിമകളില്‍ അഭിനയിച്ചിട്ടുണ്ട്. സിനിമയില്‍ വലിയ ഒരു നടനാക്കണം തന്റെ മകനെയെന്ന് ഷീലയ്ക്ക് വലിയ താല്‍പ്പര്യം ഉണ്ടായിരുന്നു.
എന്നാല്‍ മകന്‍ താരമായില്ല. അത് ഷീലയ്ക്ക് വലിയ ദുഖമായിരുന്നുവെന്ന് ചെയ്യാര്‍ ബാലു പറയുന്നു. കാതല്‍ റോജ എന്ന സിനിമയില്‍ ഷീലയുടെ മകന്‍ ജോര്‍ജ് വിഷ്ണു അഭിനയിച്ചിട്ടുണ്ട്. പൂജ കുമാറായിരുന്നു നായിക. സിനിമയിലെ പാട്ടുകളെല്ലാം ഹിറ്റായിരുന്നു. പക്ഷെ പടം പരാജയപ്പെട്ടു. പിന്നീട് ചെറിയ വേഷങ്ങളില്‍ ചുരുക്കം സിനിമകളില്‍ മാത്രമേ ജോര്‍ജ് വിഷ്ണു അഭിനയിച്ചത്. കരിയ റിന്റ പീക്കില്‍ നില്‍ക്കുമ്പോഴാണ് താരം വിവാഹം കഴിക്കുന്നത്.
തമിഴ് നടന്‍ രവിചന്ദുമായുള്ള വിവാഹ ബന്ധത്തിലാണ് മകന്‍ ജോര്‍ജ് വിഷ്ണു ജനിക്കുന്നത്. പിന്നീട് ഈ ബന്ധം വിവാഹ മോചന ത്തിലുമെത്തി. മകനെ നോക്കാനായിട്ടാമ് താരം സിനിമയില്‍ നിന്ന് പിന്‍മാറുന്നത്. കരിയറില്‍ മടുപ്പ് തോന്നിയതും ഒരു കാര ണമായി. മകനൊപ്പം ഊട്ടിയിലേയ്ക്ക് പോയ താരം പിന്നീട് പതി നെട്ട് വര്‍ഷങ്ങള്‍ക്ക് ശേഷമാണ് തിരികെ അഭിനയത്തിലെ ത്തുന്നത്. നടി മാത്രമല്ല താനൊരു അമ്മയുമാണെന്ന് നടി ഇടവേള എടുത്ത സമയത്ത് താരം പറഞ്ഞിരുന്നുവെന്നും ചെയ്യാര്‍ ബാലു പറയുന്നു. ഇപ്പോള്‍ മകനൊപ്പം ചെന്നൈയിലാണ് നടി താമസിക്കുന്നത്.